Рус O'z En
Eski saytga o'ting agmk.uz
Ishonch telefoni
Qayta bog'lanish

OKMK rivojlanish strategiyasi

“Yoshlik I” konini oʻzlashtirish” loyihaci toʻgʻrisida

MA’LUMOTNOMA

 (2023 yil 1 yanvar holatiga)

Oʻzbekiston Respublikasi Prezidentining “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qoʻshimcha chora-tadbirlar toʻgʻrisida”gi 2020 yil 26 maydagi PQ–4731-son qaroriga muvofiq mazkur loyihani amalga oshirish natijasida:

loyihaning birinchi bosqichida (2017-2024 yy.) yiliga 65,0 mln tonna ma’dan qazib olinadigan kon, 60,0 mln tonna ma’danni qayta ishlovchi 3-Mis boyitish fabrikasi va fabrika infratuzilmasi hamda 650 megavatt quvvatli tashqi elektr ta’minoti quriladi.

Ikkinchi bosqichda, ya’ni 2024-2028 yillarda 400 ming tonna mis katodi, 40 tonna oltin va 270 tonna kumush ishlab chiqarilishiga erishiladi.

Uchinchi bosqichda 2030 yilga kelib 500 ming tonna mis katodi, 50 tonna oltin va 300 tonna kumush ishlab chiqarilishiga erishiladi.

 LOYIHANI AMALGA OSHIRISHNING JORIY HOLATI

1. Yoshlik I koni boʻyicha:

Yoshlik I konini oʻzlashtirish boʻyicha ishlar jadal olib borilayapti.
2 smenada ishlar tashkil etilgan.

Bugungi kunda obyektda togʻ-kon ishlari olib borilmoqda, 1 733 nafar ishchi-xodimlar va 400 dona texnika ishlamoqda.

Bosh loyihachi “Giprosvetmet” AJ tomonidan bugungi kunga qadar loyihaning birinchi navbati boʻyicha texnik-iqtisodiy ishlab chiqilib, Vazirlar Mahkamasi tomonidan tasdiqlandi. Ishchi hujjat ishlab chiqilmoqda.

 “Yoshlik I” ruda qatlamiga yetish va uni qazib olish maqsadida tuproq ishlari jadallik bilan olib borilmoqda. 2023 yil 1 yanvar holatiga jami bajarilgan kon qazish ishlari hammasi boʻlib 139 mln metr kubni tashkil etmoqda.

Bundan tashqari, konida vaqtinchalik temiryo’llar va tashqi kommunikatsiyalarni qurish ishlari olib borilmoqda.

2. 3-Mis boyitish fabrikasi (MOF-3) bo’yicha:

“UZTM-Karteks” va “Enter Enginnering” kompaniyalari konsortsiumi hamda “Olmaliq KMK” AJ oʻrtasida 3-son Mis boyitish fabrikasini (3-MBF) qurib, “Tayyor holda topshirish” sharti bilan qiymati 2 mlrd. dollar boʻlgan shartnoma tuzilgan.

Loyihalashtirish ishlariga “Wood” (Italiya), loyiha hujjatlarini texnik jihatdan baholash va qabul qilish uchun “Technip Energies” (Buyuk Britaniya) kompaniyalari jalb qilingan.

Loyiha doirasida 3 ming kishi uchun quruvchilar shaharchasi va direktsiya binolari qurilishi yakunlandi.

Bugunda obyektda 3200 nafar quruvchi va 428ta texnika vositalari ishlamoqda.

Shuningdek, qoldiqlarni saqlash obyektlari boʻyicha zarur boʻlgan yer maydonlari ajratilib, bugungi kunda yer ishlari olib borilmoqda.

3. Suv ta’minoti obyektlarini qurish boʻyicha:

3-MBFning tashqi suv ta’minotining tashqi sxemasi tasdiqlandi.

Zarur boʻlgan yer maydonlari ajratilib, chegaralar aniqlandi.

Hozirda “Oʻzbekgidrogeologiya” DUK tomonidan suv zaxiralarini tasdiqlash maqsadida qidiruv ishlari olib borilmoqda.

“OʻzgeorangmetLITI” instituti tomonidan jami ishchi hujjat ishlab chiqilmoqda.

4. Elektr ta’minot boʻyicha:

 “Yoshlik-1” konining tashqi elektr ta’minoti obyektlarini qurish boʻyicha tanlov oʻtkazilib, “Oʻzelektroapparat-Electroshield” kompaniyasi bilan shartnoma imzolangan.

Ayni paytda  10 km 500  kVli elektr liniyasining metall ustunlari toʻliq oʻrnatilib, 7,5  km qismiga sim tortildi.

Shuningdek,  asosiy uskunalarni yetkazib berish 97 foizga bajarildi, montaj ishlari olib borilmoqda.

7 dona 500/100 transformatorlar oʻrnatildi.

 Nimstansiya binosini qurilish ishlari olib borilmoqda. 

Нажмите на кнопку ниже, чтобы прослушать текст Powered by GSpeech