Buyuk Britaniyaning London shahrida bo‘lib o‘tayotgan MINEX Euroasia konferensiyasida O‘zbekiston delegatsiyasi ham ishtirok etmoqda.

MINEX Euroasia konferensiyasi 2012-yilda tashkil etilgan bo‘lib, Buyuk Britaniyaning Yevrosiyoda (Evropa, Markaziy Osiyo va Mo‘g‘uliston) tog‘-kon sanoati tendensiyalari va investitsiya imkoniyatlarga bag‘ishlangan asosiy tadbiridir.

Konferensiyada xalqaro tog‘-kon va metallurgiya kompaniyalari, investorlar, moliyachilar, hukumat nazoratchilari qatnashishadi.

O‘ninchi bor tashkil etilayotgan konferensiyada mamlakatimiz delegatsiyasi tarkibida Olmaliq kon-metallurgiya kombinati vakillari ham ishtirok etayapti.

Mazkur nufuzli xalqaro anjumanda spiker sifatida ishtirok etayotgan OKMK boshqaruvi raisining Raqamlashtirish bo‘yicha o‘rinbosari Abdulla Azizov qatnashchilarga Olmaliq kon-metallurgiya kombinatida olib borilayotgan transformatsiya jarayonlari va yirik loyihalar bo‘yicha ma'lumotlar taqdim etdi.

Axborot xizmati